Spurt og svarað

13. maí 2008

Frunsuplástur

Ég á það til að fá frunsur á varirnar og lenti einmitt í því í dag. Ég er komin 23 vikur á leið en eins og ég hef vanalega gert þegar ég fæ frunsu, skellti ég á mig Compeed frunsuplástri. Ég var ekki fyrr búin að setja hann á en ég fór að hugsa að þetta mætti kannski ekki. Nú finn ég engar upplýsingar um svona plástur og er búin að henda miðanum sem fylgdi pakkanum. Hafið þið eitthvað heyrt um að plásturinn geti haft áhrif á fóstrið?


Ekki hafa verið gerðar neinar rannsóknir um notkun frunsuplásturs á meðgöngu og áhrif hans á fóstur þungaðra kvenna. Því er ekki hægt að mæla með notkun hans á meðgöngu þar sem ekki er vitað hvort hann hafi áhrif á fóstur. Ég ráðlegg þér því að sleppa notkun frunsuplásturs meðan á meðgöngunni stendur.

Gangi þér vel.

Kveðja,

Þórdís Björg Kristjánsdóttir,
ljósmóðir og hjúkrunarfræðingur,
13. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.