Spurt og svarað

12. desember 2011

Fylgja á framvegg og hreyfingar

Hæhæ ! Vil byrja á því að nefna að þetta er frábær síða og hefur hjálpað mér mikið !

Mín spurning er sú hvenær fer maður að finna fyrir hreyfingum þegar fylgjan er staðsett á framvegg legsins? Þetta er annað barnið mitt og fylgjan er semsagt staðsett á framvegg legsins. Ég er voða kvíðin og verð sennilega kvíðin út meðgönguna þar sem ég missti í fyrra. Ég hef lesið mér til um hreyfingar barnsins hjá fjölbyrjum en vantar að fá nákvæmari svör varðandi þetta mál. Ég hef heyrt að konur með fylgjuna á framvegg legsins finna seinna fyrir hreyfingum en það er aldrei nefnt hversu miklu seinna. Með von um svör til þess að róa taugarnar örlítið.

Kveðja ein stanslaust kvíðin


Komdu sæl.

Það er mjög erfitt að segja hversu mikið seinna þú munt finna hreyfingarnar en það getur verið allt að þremur vikum seinna en þær konur sem eru með fylgjuna á afturvegg.  Það skiptir líka máli hvort hún er ofarlega eða til hliðar og svo hvernig barnið liggur.

Gangi þér vel.

Rannveig B. Ragnarsdóttir,
ljósmóðir og hjúkrunarfræðingur.
12. desember 2011.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.