Spurt og svarað

22. janúar 2008

Fyrsta skoðun

Sæl Anna!

Þannig er að mig vantar að fara í fyrstu skoðun og langar til að halda þessu leyndu aðeins lengur en þar sem ég bý úti á landi var ég að spá í hvar væri best að fá tíma í Reykjavík?

Kveðja, Ragnheiður.


Sæl og blessuð!

Ég myndi ráðleggja þér að fara í fyrstu skoðun til þeirrar ljósmóður og á þeirri heilsugæslustöð sem þú ætlar þér að vera í mæðraskoðunum því í fyrstu skoðun fer fram mikilvæg upplýsingasöfnun og fræðsla. Einnig er gott að mynda tengsl við ljósmóðurina í þessum tíma.

Starfsfólk á heilsugæslustöðvum er bundið þagnarskyldu og því ætti mæðraskoðun ekki að breyta þeim fyrirætlunum hjá þér að halda þessu leyndu dálítið lengur.

Vona að þetta gangi vel hjá þér.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
22. janúar 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.