Spurt og svarað

22. september 2013

Gatorade og Powerade

Góðan daginn.
Langaði að athuga hvort það væri í lagi að drekka þessa drykki á meðgöngu. Ég þjáist af svakalegri ógleði og ég hef verið að drekka bláan Gatorade, en hann hjálpar svakalega til við ógleðinni.




Sæl og til hamingju með þungunina!
Það er allt í lagi að drekka íþróttadrykki eins og Gatorade, Aquarius og Powerade á meðgöngu. Þessir drykkir innihalda sölt, sykur og vatn en ekki örvandi efni. Einnig fylla þessir drykkir vel á vökvabyrgðir líkamans. Þegar konur eru með mikla ógleði á meðgöngu er mikilvægt að þær drekki vel af vökva til að minnka ógleðina. Margar konur geta ekki drukkið vatn þegar þeim líður sem verst en gengur betur að drekka ávaxtasafa eða íþróttadrykki.
Einnig vil ég benda þér á kaflann um ógleði í „meðgöngukvillar“ hér vinstra megin á síðunni.
Gangi þér sem allra best.


Með bestu kveðju,
Signý Dóra Harðardóttir,
ljósmóðir og hjúkrunarfræðingur,
22. september 2013.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.