Spurt og svarað

06. ágúst 2008

Getur ástarsorg valdið fósturláti?

Hæ, hæ!

Ég var að velta því fyrir mér hvort að ástarsorg gæti valdið fósturláti? Ég er í ástarsorg og er komin 11 vikur á leið og fór allt í einu að hugsa hvort að sorgin gæti gert mér og fóstrinu eitthvað illt. Er stundum með hraðan hjartslátt og illt í maganum útaf sorginni.

Með von um svar og takk fyrir frábæran vef.

Kveðja, ein í ástarsorg.


Sæl og blessuð!

Leitt að heyra hvernig þér líður. Að ganga í gegn um ástarsorg er svo sannarlega erfitt og það hlýtur að vera alveg sérstaklega erfitt að vera í ástarsorg á fyrsta hluta meðgöngu. Ég held þó að þessi líðan geri fóstrinu ekki illt og líkur á fósturláti ættu ekki að vera meiri þrátt fyrir þína vanlíðan.

Reyndu að hugsa eins vel um þín eigin heilsu og mögulegt er með því að borða holla fæðu og hreyfa þig. Leitaðu eftir því að vera í félagsskap sem þér líður vel í og leitaðu eftir stuðningi hjá fólki sem þú treystir.

Ég vona að þú jafnir þig á þessu og að allt gangi vel hjá þér.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
6. ágúst 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.