Spurt og svarað

30. maí 2011

Getur þungunarpróf verið jákvætt þó ég sé ekki þunguð?

Góðan daginn!

Ég tók tvö óléttupróf daginn eftir að ég átti að byrja á túr, sem var fyrir 4 dögum síðan, og þau voru bæði jákvæð. Ég hef ekkert byrjað á blæðingum en er þó búin að vera með einskonar túrverki í viku núna. Þeir eru þó að lægja aðeins. Er möguleiki á að þungunarprófin hafi getað verið jákvæð þó svo að ég sé ekki þunguð. Þetta yrði þá mitt fyrsta barn og ég hef smá áhyggjur af þessu öllu saman :)


Sæl!

Þungunarpróf eru vissulega ekki 100% en það er sjaldgæft að þungunarpróf gefi falskt jákvætt svar. Þungunarpróf mælir magn meðgönguhormónsins hCG í þvagi og það er ekki til staðar ef ekki hefur orðið þungun. Það getur vel verið að þú finnir fyrir verkjum sem líkjast túrverkjum í byrjun þungunar.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
30. maí 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.