Spurt og svarað

29. október 2007

Grátur á meðgöngu

Hæ ég er komin 18 vikur og 5 daga. og síðustu viku er ég alltaf grátandi mér finnt allt svo erfitt.  Ég er 37 og geng með mitt 4 barn.  Ég man ekki eftir að hafa veirð svona áður. Mér finnst maðurinn minn ekki sína mér tillitsemi eða bara engan skilning börnin mín erfið og vinnan erfið en ég veit að þetta er ég en ekku þau en ég virðist ekki ráða við mig.  Get ég kennt óléttuni um eða er ég að vera biluð ?

ein mjög óörugg þessa dagana.


Komdu sæl og takk fyrir að leita til okkar.

Það er leiðinlegt að heyra hvað þér líður illa en kannski er nú hægt að gera eitthvað í málunum.  Sennilega stafar þessi líðan af mörgum mismunandi þáttum eins og hormónabreytingum, þreytu og fleira.  Á sumun heilsugæslustöðvum starfa meðferðarteymi þar sem félagsráðgjafi eða sálfræðingur getur hjálpað konum í þessari stöðu.  Heimilislæknir getur líka kannski hjálpað þér eða ljósmóðirin þín sem getur stutt þig.  Það er oft gott að ræða málin við einhvern og fá þá hjálp sem þú þarft.  Innan heilsugæslunnar er líka starfandi hjúkrunarfræðingur kemur heim til kvenna sem líður illa á meðgöngu og ræðir málin við þær og hjálpar eftir bestu getu.

Ég ráðlegg þér eindregið að fara sem fyrst til ljósmóðurinnar þinnar og ræða þetta við hana og fá hjálp.

Gangi þér vel.

Rannveig B. Ragnarsdóttir,
ljósmóðir og hjúkrunarfræðingur.
29. oktober 2007.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.