Spurt og svarað

03. október 2009

Af hverju ekki heitir pottar eftir tæknisæðingu?

Af hverju er konum sem búnar eru að fara í tæknisæðingu bent á að fara EKKI í heitan pott?


Sælar!

Eftir frjósemismeðferðir, hvort sem það er tæknisæðing eða glasafrjóvgun er konum yfirleitt ráðlagt að sleppa því að fara í bað og nota heita potta í a.m.k. 2 vikur eftir meðferð. Þeim er einnig ráðlagt að sleppa mikill áreynslu. Ég hef leitað aðeins eftir upplýsingum um þetta á netinu en finn ekki beint svarið. Frjósemisferðferðir eru vissulega inngrip og því er allt viðkvæmara og brothættara. Það er líklegt að þetta hafi eitthvað að gera með hitann, þ.e. að ekki sé æskilegt að hafa of mikinn hita í kringum legið og kvenlíffærin og svo getur þetta haft eitthvað að gera með það að vatn og ef til vill bakteríur geti borist upp leggöngin og upp í legið. Eftir frjósemismeðferð þurfa margar konur að taka lyf sem sett eru upp í leggöngin þannig að ef verið er í heitum potti eða baði getur það ef til vill skemmt fyrir verkun þessara lyfja.

Vona að þetta skýri málið að einhverju leyti en ef einhver sem les þetta hefur betri skýringar þá væri gaman að heyra þær.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
3. október 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.