Spurt og svarað

16. september 2009

Grindargliðnun eða grindarlos?

Góðan dag.

Hver er munurinn á grindarlosi og grindargliðnun?  Hvort er skárra? Gilda sömu reglur um hvað er gott/slæmt að gera við báðu?

Takk takk.



Sæl!

Þessi tvö orð eru yfirleitt notuð um sama ástandið, þ.e. verki í mjaðmagrindinni á meðgöngu en það getur verið misjafnt hvernig heilbrigðisstarfsmenn skilgreina þessi orð. Því ættu ráðleggingarnar að eiga við bæði.

Grindarlos er eðlilegt ástand sem á sér stað á meðgöngu þegar hormón sem tengjast þunguninni fara að hafa áhrif á liðamót grindarinnar. Liðamótin eru þrjú, tveir spjaldliðir að aftan og lífbeinið að framan. Sumar konur finna fyrir verkjum tengt þessu ástandi, aðrar ekki. Hin eiginlega grindargliðnun er þegar grindarlosið er orðið slæmt í kringum lífbeinið og veldur konunni verkjum og óþægindum við hreyfingu.

Á ensku er Pelvic Girdle Pain (PGP) notað yfir þetta ástand.

Gangi þér vel.

Kær kveðja,

Harpa Ósk Valgeirsdóttir,
ljósmóðir og hjúkrunarfræðingur,
16. september 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.