Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
11. mars 2015
Sæl, var mjög slæm af grindargliðnun á síðustu meðgöngu og er því mjög hrædd við að fá hana aftur. Er komin 16 vikur og ekki komin með neina verki, fann þó aðeins fyrir grindinni í síðustu viku. Var að velta fyrir mér hvort það hafi einhver fyrirbyggjandi áhrif að taka lyftu þegar hægt er? Þ.e. að sleppa stigum, hef alltaf heyrt að það sé gott að sleppa stigum (ef þess er kostur) ef maður fær grindargliðnun, en skiptir það einhverju máli áður en maður verður slæmur? Mbkv.
Komdu sæl, mestu máli skiptir að þú hreyfir þig eftir þeim leiðbeiningum sem þú fékkst síðast. Ég held að þér sé óhætt að ganga stiga meðan að þú hefur ekki nein einkenni. Held að þú fyrirbyggir ekki neitt með því að forðast stiga. Ég ráðlegg þér að tala um þetta við ljósmóðurina þína í mæðravernd og rifja upp með henni hvernig best er að haga sér í sambandi við grindargliðnun.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.