Spurt og svarað

18. janúar 2010

Hella fyrir eyrum á meðgöngu

Ég geng með mitt 3ja barn og er komin um 20 vikur á leið. Ég er búin að finna fyrir síðasta mánuðinn að ég fæ stöðugt hellu fyrir eyrun. Ég man greinilega eftir þessu þegar ég var ólétt síðast. Þá hélt ég bara að þetta væri ekki tengt óléttunni. Ég losnaði við helluna eftir að ég átti barn nr. 2.  Því spyr ég hvað getur verið að valda því að maður fái stöðuga hellu fyrir eyrun meðan á meðgöngu stendur. Ég vil taka það fram að ég er
fullfrísk, með hátt járngildi og eðlilegan blóðþrýsting.



Komdu sæl.

Ég verð að viðurkenna að ég hef ekki heyrt þetta áður að hella tengist meðgöngu en það eina sem mér dettur í hug er að blóðmagn eykst mikið á meðgöngu og því eykst þrýstingur í höfðinu (margar konur fá frekar höfuðverk á meðgöngu en annars) sem kannski getur svo leitt til þess að konur fái hellu fyrir eyrun.  Ef þetta pirrar þig mikið eða háir þér myndi ég ráðleggja þér að tala við háls- nef- og eyrnalækni.

Kveðja

Rannveig B. Ragnarsdóttir,
ljósmóðir og hjúkrunarfræðingur.
18. janúar 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.