Spurt og svarað

23. febrúar 2015

Heyri illa á öðru eyra

Sælar. Er algengt að konur fái eyrnabólgu á meðgöngu? Er búin að láta lækni kíkja á þetta og ég er búin að fara á sýklalyf sem virkaði ekki neitt, og fá dropa í eyrun og nefsprey og það virkar ekki neitt heldur. Þetta lýsir sér bara eins og það sé verið að halda fyrir annað eyrað á mér, enginn verkur, bara alveg heyrnarlaus öðru megin. Gæti þetta verið eitthvað tengt meðgöngunni? Er komin 22 vikur með mitt annað barn.

 
 Sæl og blessuð, nei þetta tengist ekki meðgöngunni. Þú ert trúlega með vökva í eyranu. Það getur tekið nokkuð langan tíma að losna við vökva og það er gott að nota nefspray til að forðast að nefið sé stíflað. Það getur líka verið óþægilegt að liggja alveg flatur því að þá getur komið þrýstingur í eyranu og óþægindi verða meiri. Hafðu því hátt undir höfðinu og á endanum lagast þetta. Gangi þér vel.

Bestu kveðjur
Áslaug V.
ljósmóðir og hjúkrunarfræðingur
23.feb.2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.