Spurt og svarað

28. apríl 2008

Hiti á meðgöngu

Mig langar að vita af hverju hiti yfir 38C° er hættumerki á meðgöngu.

Getur hitinn sjálfur skaðað fóstrið? Eða eru það sýkingarnar sem orsaka hitann sem eru hættulegar?

Ég er ein af þeim sem vilja helst aldrei taka lyf nema þess sé nauðsynlega þörf og vil gjarnan fá það á hreint hvort ég þurfi að breyta þeirri hegðun á meðgöngunni.

Með þökk fyrir frábæran vef

38,7C°


Komdu sæl

Hár hiti getur verið hættulegur fóstrinu sérstaklega á fyrsta þriðjungi meðgöngunnar, og því betra að taka hitalækkandi lyf eins og panodil meðan hitinn er að ganga yfir.  Ónæmiskerfi móðurinnar vinnur á sýkingunni þannig að venjulegar pestir eru ekki hættulegar fóstrinu. 

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
28. apríl 2008.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.