Spurt og svarað

29. apríl 2008

Hjólreiðar og samdrættir

Mig langar að byrja á því að þakka fyrir frábæra síðu sem hefur eflaust hjálpað mörgum einstaklingum í gegnum hinar ýmsu hremmingar hehe.

Þannig er mál með vexti að ég er ófrísk ( 1. barn ) og komin 23 vikur á leið. Fyrir u.þ.b. 3 vikum fór ég að finna fyrir samdráttum öðru hvoru sem mér skilst að sé hinn eðlilegasti hlutur....En hins vegar er ég að spá hvort það sé eðlilegt að samdrættirnir stóraukist alltaf ef ég fer út að hjóla. Ég á hund og fer með hann reglulega í hjólreiðatúr á grýttum göngustíg sem er allur í holum og hæðum og ALLTAF fæ ég mikla samdrætti sem þó eru alveg verkjalausir.

Ætti ég eitthvað að endurskoða þessa hjólreiðatúra mína????

Kær kveðja...

Ein í hugleiðingum:)


Komdu sæl

Það er rétt að samdrættir eru hinn eðlilegasti hlutur á meðgöngu en þeir geta líka verið merki um að konur séu að ofgera sér og þurfi meiri hvíld.  Samdrættir ættu ekki að vera fleiri en 4 á klukkutíma og eins og þú lýsir þessu þá finnst mér að þú ættir eitthvað að endurskoða þessa hjólreiðatúra og vita hvort samdráttum fækki við það að fara t.d út að ganga með hundinn í stað þess að hjóla, eða vera á sléttum göngustígum.  Þú skalt líka passa þig að drekka vel af vatni því þurrkur eða þorsti getur líka aukið á samdrættina.

Gangi þér vel

Rannveig B. Ragnarsdóttir,
ljósmóðir og hjúkrunarfræðingur.
29. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.