Spurt og svarað

30. júní 2014

Hlusta eftir tvíburum

Hvenær getur ljósmóðir heyrt greinilega tvíburahjartslátt? Ég er búsett í Noregi og hérna er ekki boðið uppá snemmsónar, aðeins 17-18 vikna sónar. Ég fór að hugsa til þess að ef ég geng með tvíbura, er þá möguleiki að ljósmóðirin geti greint það þegar hún hlustar eftir hjartslætti. Ég fer í fyrstu skoðunina hjá henni þegar ég er komin 15 vikur.



Komdu sæl.
Ómskoðun er eina áreiðanlega aðferðin til þess að greina tvíburameðgöngu. Það er möguleiki á að heyra tvo hjartslætti en það er oft mjög erfitt að greina það. Ef það eru tvíburar í fjölskyldunni, ljósmóðirin metur að legið þitt sé stærra en áætlaður fæðingardagur segir til um eða að þú hefur til dæmis verið með alvarlega morgunógleði eru það vísbendingar um það að þú gangir með tvíbura. Ef þú hefur áhyggjur af þessu skaltu ræða það við ljósmóðurina þína og hún getur þá skoðað þessa þætti og metið út frá þeim hvort þú þurfir þá að fara fyrr í sónar.
Gangi þér vel.


Kær kveðja,
Súsanna Kristín Knútsdóttir,
Ljósmóðir og hjúkrunarfræðingur,
30. júní 2014.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.