Spurt og svarað

15. nóvember 2010

Hreyfingar

Halló og takk fyrir frábæra síðu!

Ég er með mitt fyrsta barn og komin rúmar 37 vikur, er búin að finna hreyfingar bara vinstra megin núna í  þrjár - fjórar vikur og sagði ljósan mér að barnið sneri með rassinn og bakið út í hægri hliðina og væri svo stórt að það gæti ekki hreyft sig neitt mikið og sparkaði því bara út í aðra hliðina og mundi líklegast snúa svona fram að fæðingu. Svo í fyrrakvöld þá tók það pínu byltu og núna finn ég hreyfingar báðu megin og upp undir þindina eins og barnið hafi allt í einu miklu meira pláss? Plús að eftir byltuna hjá barninu er ég byrjuð að þurfa að pissa helmingi oftar og fengið nokkrum sinnum síðan í gær stingi í pissublöðruna eða þvagrásina, veit ekki hvort er, og þá þarf ég að pissa. Er þetta eitthvað til að hafa áhyggjur af?  Get ég verið að fá blöðrubólgu eða getur barnið minnkað, eða legið stækkað innaní án þess að bumban stækki með?

Bestu kveðjur, nóvembermamman


Komdu sæl.

Sennilega hefur barnið breytt eitthvað um stellingu og því finnur þú þessar breytingar á hreyfingunum.  Börn eru ekki svo fastskorðuð eða plássið það lítið að þau geti ekkert hreyft sig.  Það gera þau alveg þar til þau koma út.  

Þetta er ekkert til að hafa áhyggjur af heldur er bara eðlilegt.

Kveðja

Rannveig B. Ragnarsdóttir,
ljósmóðir og hjúkrunarfræðingur.
15. nóvember 2010.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.