Hrogn og lifur á meðgöngu

10.01.2007

Sæl og takk fyrir frábæran vef!

Hann hefur komið mér að miklu gagni upp á síðkastið þar sem ég á von á mínu fyrsta barni. Ég var aftur á móti að spá hvort það væri allt í lagi fyrir mig að borða hrogn og lifur, þar sem það fer bráðum að koma í verslanir, og er þetta alveg eitt það besta sem ég fæ!

Með von um svar sem fyrst. Takk aftur fyrir frábæran vef hjá ykkur!


Sæl og blessuð! Takk fyrir að leita til okkar!

Samkvæmt bæklingnum Matur og meðganga þá er barnshafandi konum ráðlagt að forðast alveg þorskalifur á meðgöngu. Ég veit ekki um neina ástæðu fyrir því að ekki ætti að borða soðin hrogn á meðgöngu.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
10. janúar 2007.