Spurt og svarað

06. ágúst 2008

Hvað er full meðganga?

Sælar:)

Ég var að spá, hérna á síðunni ykkar segir að barnið sé orðið fullburða við 38 vikur. Ljósan mín segir það sama en ég fór á foreldranámskeið fyrir nokkrum vikum síðan og þar sagði ljósan að full meðganga væri 37-42 vikur. Einnig lá ég inni á LSH í nokkra daga og bæði læknarnir þar og ljósurnar töluðu um að full meðganga væri 37-38 vikur.

Hvort er rétt?


Sæl og blessuð!

Ég sé að það auðvelt að misskilja þetta hérna á síðunni hjá okkur. Þegar talað er um viku 38 þá er átt við 37+1 til 38+0 og þar segir að barnið sé fullburða í upphafi vikunnar þ.e. þegar það er fullar 37 vikur. Ef barn fæðist fyrir 37 vikur, þ.e. 36+6 daga þá er um fyrirbura að ræða en eftir það er um fullburða barn að ræða.

Vona að þetta skýri málið.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
6. ágúst 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.