Spurt og svarað

06. ágúst 2008

Áhugaleysi á kynlífi

 sælar og takk fyrir góðan vef

Þannig er að ég og unnusti minn höfum ekki stundað kynlíf síðan á 26. viku er núna komin 35 vikur, ég er búin að vera mjög viðkvæm á meðgöngunni og þarf lítið til að "allt"verið vonlaust, ég upplifi rosalega mikla höfnun, sem hefur augljóslega áhrif á sjálfstraustið, sem er ekki gott þessa dagana.  Mðgangan hefur gengið vel að öðru eiti og kynlífið var í góðu þangað til ca 20 viku þegar það fór að koma kúla.  Er eitthvað sem ég get gert til að mér líði betur?  Er ekki alveg að meika þetta, finnst ég alveg ómöguleg, eina ástæðan sem hann gefur mér er að hann hefur bara ekki áhuga og segir að þetta sé svona hjá mörgum.  Velti oft fyrir mér hvort að þetta lagist eitthvað eftir fæðinguna, sé það bara ekki gerast því hann er það áhugalaus.  Ég reyni að virða hans tilfinnignar gagnvart kynlífinu, en er eðlilegt að ég bíði bara?  Ég hef líka tilfinningar!

ein vonlaus 



Komdu sæl

Þið þurfið augljóslega að tala saman um það hvernig ykkur líður og hvers vegna.  Hefur þú sagt honum frá höfnunartilfinningunni og minnkandi sjálfstrausti?  Það er alveg rétt hjá honum að sumir verðandi feður missa áhugann á kynlífi á meðgöngunni en svo lagast það eftir fæðingu.  Er kannski mögulegt að hann komi á einhvern hátt til móts við þig? 

Finnið ykkur góðan tíma og reynið að ræða málin í rólegheitum.  Hugsið svo aðeins málið og reynið að finna aðferðir sem virka fyrir ykkur bæði.  Kynlíf er jú svo miklu meira en samfarir.  Nálægð, snerting, vinátta og ást getur hjálpað þér að finna sjálfstraustið aftur en þú þarft líka að hugsa um sjálfa þig og efla sjálfstraustið þannig.

Ef ekkert dugar og þið náið ekki að leysa úr þessu sjálf getur verið gott að leita til ráðgjafa eftir hjálp.

Gangi ykkur vel

Rannveig B. Ragnarsdóttir,
ljósmóðir og hjúkrunarfræðingur,
6. ágúst 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.