Spurt og svarað

29. maí 2010

Hvers vegna hækkar kólesteról á meðgöngu?

Sælar!

Langaði til að vita hvers vegna kólesteról hækkar á meðgöngu og hversu mikið það hækkar. Hef alltaf verið lág í kólesteróli en var að mælast 6,91 sem er frekar hátt. Var sagt að þetta væri eðlilegt á meðgöngu.

Með kveðju, Dísa.



Sæl Dísa!

Það er þekkt að kólesteról hækkar eftir því sem líður á meðgönguna en það tengist aukinni framleiðslu hormónanna estrógen og prógestrón. Um 4-6 vikum eftir fæðingu ætti kólesterólið að hafa lækkað niður aftur. Brjóstagjöf flýtir fyrir því að kólesterólið lækki eftir fæðingu.

Samkvæmt bæklingi Hjartaverndar um kólesteról er æskilegt að HDL sé meira en 1,0 mmól/lítra en viðmiðunarmörk fyrir heildarkólesteról (mmól/lítra) eru eftirfarandi:

  • Mjög hátt >8
  • Hátt 6-8
  • Viðundandi fyrir flesta <6
  • Æskilegt <5

Þetta er algjörlega eðlilegt og þú ættir ekki að hafa neinar áhyggjur af þessu.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
29. maí 2010.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.