Spurt og svarað

20. janúar 2014

Köfun á meðgöngu

Daginn
Er ekki í lagi að stunda köfun á meðgöngu þá er ég ekki að tala um djúp köfun heldur bara mest niður á 10 metra?
Sæl vertu.




Takk fyrir áhugaverða spurningu. Ekki er mikið til af rannsóknum sem tengjast köfun á meðgöngu, en þó finnst svolítið af greinum og leiðbeiningum þar um. Samkvæmt því sem ég las er meðganga frábending fyrir köfun. Bent hefur verið á hættu á fósturgöllum vegna köfunar á meðgöngu og einnig er hætta á að fóstrið geti orðið fyrir kafaraveiki þegar móðir stundar köfun á meðgöngu. Hér er ágæt grein um áhættu af köfun á meðgöngu og önnur vefsíða sem fjallar stuttlega um sama efni. Í þeim er ekki gerður greinarmunur á djúp- og grunnköfun, né heldur hvort köfun er stunduð í tengslum við vinnu, það er þegar oft þarf að kafa, eða í frístundum. 
Vona að þetta svari spurningu þinni og gangi þér vel.

Bestu kveðjur,
Björg Sigurðardóttir,
ljósmóðir,
20. janúar 2014.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.