Spurt og svarað

12. desember 2012

Kollurinn er óskorðaður

Ég fékk að vita í dag að kollurinn á barninu mínu er óskorðaður. Sem sagt ef ég missi legvatnið á ég að leggjast niður og hringja á 112. Mig langar að fá fleiri upplýsingar um þetta. Eins og hvað ég á ekki að eða má ég ekki gera? Og hvað þýðir þetta? Ég er með mjög miklar áhyggjur. Má ég ekki stunda kynlíf?



Sæl!
Þú þarft ekki að hafa áhyggjur. Þetta þýðir einfaldlega að kollur barnsins á eftir að færast neðar í grindina. Ef legvatnið fer skyndilega þarft þú að leggjast strax, ef þú ert ekki liggjandi. Ástæðan fyrir því að þú þarft að leggjast er að þegar kollur barns er ekki skorðaður er viss hætta er á að naflastrengurinn falli framfyrir koll barnsins þegar vatnið fer. Við þetta getur naflastrengurinn klemmst og lokað fyrir blóðflæði til barnsins.
Þú þarft ekki að breyta neinu né forðast kynlíf, ljósmóðirin þín athugar þetta svo aftur í næstu skoðun. Í mæðravernd má spyrja að hverju sem er og engin spurning vitlaus eða röng, ég hvet þig þess vegna til að fá útskýringar ef það er eitthvað sem vefst fyrir þér.



Með bestu kveðju,
Signý Dóra Harðardóttir,
ljósmóðir og hjúkrunarfræðingur,
12. Desember 2012






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.