Spurt og svarað

23. október 2009

Kryddaður matur á meðgöngu

Komið þið sæl og takk fyrir frábæran vef!

Málið er að ég er 18 ára og komin 9 vikur og 6 daga og hef að undanförnu verið að laumast óvart í smá kryddaðan mat og sósur. Vildi bara vita hverjar afleiðingarnar af því eru því ég veit að á meðgöngu á að forðast kryddaðan mat og já vildi spyrja hvort það er hætta á einhverjum skaða á fóstri eða legi. Og í svona stuttu máli hvort þið vissuð að einhverju leiti hvað veldur hjartagalla og bara fæðingargöllum yfir höfuð (:

Fyrirfram þakkir!


Sæl og blessuð!

Kryddaður matur er almennt ekki talinn vera skaðlegur á meðgöngu en mörgum konum líður hins vegar illa af mikið krydduðum mat, sérstaklega þegar lengra líður á meðgönguna. Kryddaður matur eykur stundum brjóstsviða.

Í stuttu máli þá er oftast ekki að finna skýringu á fæðingargöllum né hjartagöllum. Það er þó vitað að fólínsýruskortur eykur líkur á miðtaugakerfisgöllum og þess vegna er konum á barneignaraldri ráðlagt að taka inn 0,4 mg daglega og barnshafandi konum a.m.k. fyrstu 12 vikur meðgöngunnar. Það er líka vitað að ýmis lyf, eiturlyf og áfengi geta valdið fæðingargöllum og þess vegna má ekki neyta eiturlyfja eða áfengis á meðgöngu.  Konur sem þurfa að taka inn lyf á meðgöngu þurfa að ráðfæra sig við lækni því stundum þarf að breyta lyfjaskömmtum og jafnvel skipta yfir í önnur lyf á meðgöngu.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
23. október 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.