Spurt og svarað

26. júní 2008

Kynlíf og grindargliðnun

Góðan dag og takk fyrir frábæran vef.

Ég er komin 22 vikur á leið með annað barn og er búin að vera dálítið slæm af grindargliðnun síðasta mánuðinn. Síðustu vikur hef ég ekki verið að stunda mikið kynlíf. Núna um daginn fékk mjög heiftarlega grindarverki eftir kynlíf, sem leiddu niður í fætur og náðu yfir mun meira svæði en ég hef nokkurn tíma áður upplifað. Getur verið að kynlífið hafi komið þessum verkjum af stað? Getur verið að fullnæging komi þessum verkjum af stað? Ég  hef ekki þorað að stunda kynlíf aftur eftir þessa reynslu. Ég hef verið að lesa um grindargliðnun og á flestum stöðum stendur að kynlíf eigi ekki að hafa áhrif á grindarverki. Ég tengi þetta samt beint saman í mínu tilfelli.

Bestu kveðjur.


Sæl

Ég myndi nú ekki ætla að bein áhrif séu frá fullnægingu á grindarverki. Það er mun líklegra að stellingar hafi þar eitthvað að segja. Ef þú ert svona slæm væri kannski ráð fyrir þig að velja stellingar sem reyna minna á mjaðmagrindina þar sem þú getur haft fæturna meira saman, eins og t.d. hliðarlega. Prófið ykkur bara áfram með hvað hentar og þá ætti ekki að þurfa að draga úr kynlífsiðkun.

Kveðja,

Tinna Jónsdóttir,
ljósmóðir og hjúkrunarfræðingur,
26. júní 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.