Spurt og svarað

09. apríl 2008

Læknir gefur konu minni lyf sem hefur slæm áhrif á fóstur

Konan mín er að fá lyfið Sobril hjá lækni á deild 33-A þar sem hún liggur inni. Hún er í áhættumeðgöngu hjá kvennadeildinni útaf fóstur missi áður. Má hún fá þessi lyf? Lyfjafræðingar segja mér að svo sé ekki! Þetta er ekki í lagi.

Argur verðandi faðir.


Sæll og blessaður!

Það er alveg rétt að það er ekki æskilegt að nota Sobril á meðgöngu en lyfið er þó vissulega stundum notað á meðgöngu ef ávinningur er talin vera meira en áhættan.  Mér finnst líklegt að læknir hafi metið það svo að ávinningur af töku lyfsins fyrir hina verðandi móður sé meiri en hugsanleg áhætta fyrir barnið. Mér finnst líklegt að það sé auðsótt mál að þið fáið viðtal við lækni þar sem þessi mál eru rædd og útskýrð fyrir ykkur.

Gangi ykkur vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
9. apríl 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.