Fæðingafræðsla með Helgu Reynis
Nú er boðið upp á fæðingafræðslu með Helgu Reynisdóttur ljósmóður í húsnæði Kvennastyrks í Hafnafirði.
Á námskeiðinu verður farið yfir slysavarnir barna, parasambandið, hvernig hægt er að hlúa að því, líffræði kvennlíkamans, hlutverk stuðningsaðila í fæðingu, stig hennar og bjargráð í fæðingu. Þá verður fjallað um sængurlegu, upphaf brjóstagjafar, nýburann, fæðingarhormónin, grindarbotninn, spöngina og spangarstuðning svo eitthvað sé nefnt.
Markmið námskeiðsins er að efla foreldra fyrir komandi hlutverk og benda þeim á bjargráð sem hægt er að nýta sér. Með því að sækja fræðslu geta foreldrar dregið úr kvíða og aukið öryggi sitt. Námskeiðið er í formi fyrirlestrar og eru spurningar og umræður vel þegnar. Fyrirlesturinn er 3 klukkustundir, hlé eftir þörfum.
Námskeiðin eru í boði á ensku og íslensku.
Rafræn námskeið eru einnig í boði á ensku og íslensku einu sinni í mánuði.
Skráning og frekari upplýsingar á https://www.ljosmodirin.is/
