Spurt og svarað
Hér má finna fyrirspurnir sem hafa borist og ljósmóðir hefur svarað. Hægt er að leita í fyrirspurnum eða sía eftir flokkum hér fyrir neðan.
Má taka adhd lyfið elevans á meðgöngu ?
Góðan dag og takk fyrir fyrirspurnina,
Ávalt er mælt með að hafa samráð við lækni (heimilislækni eða geðlækni) um áframhaldandi meðferð eða breytingu á geðlyfjum vegna þungunar. Ráðlagt er að hafa samband við ljósmóður í meðgönguvernd, heimilislækni eða geðlækni til að fá svör við þessum spurningum hvort sem þungun hefur orðið eða þú sjáir fyrir þér að þungun í náinni framtíð. Í hvert skipti er metið bæði ávinningur og áhættur lyfjameðferðar.
Bestu kveðjur, Ilmur Björg, ljósmóðir.
Ég er með eina spurningu úti kalk á meðgöngu . Ég drekk ekki mjólk og borða ekki mikið af mjólkurvörum nema ost.
Á minni fyrstu meðgöngu skemmdust tennurnar mínar hrikalega mikið (margar skemmdir) væri alveg til í að sleppa við það á þessari meðgöngu 😊
Hvaða kalk töflum mælið með til að taka inn , frá hvaða merki og hvað má ég taka inn mikið ?Góðan dag og takk fyrir fyrirspurnina,
Hér getur þú nálgast upplýsingar um kalk á meðgöngu, allt frá ráðlögðum dagskammti yfir í hvaða matvörum kalk er að finna.
Varðandi tannskemmdir á meðgöngu gæti bakflæði á meðgöngu einnig aukið líkur því. Ef þú verður vör við einkenni bakflæðis ráðlegg ég þér að ræða við ljósmóður í mæðravernd varðandi úrræði.
Bestu kveðjur, Ilmur Björg Einarsdóttir, ljósmóðir.
Hi, is it safe to take choline 300mg during pregnancy?
Choline (Kólín) is safe to take while pregnant. It is good to keep in mind that choline is also found in some types of food, such as lamb and pork liver, egg yolk, cabbage, corn, potatoes, turnips, fish, nuts, soybeans and leafy vegetables. The body can also produce some choline by itself.
It's a good idea to talk to your midwife about taking choline and whether it would be advisable for you.
Best regards, Ilmur Björg Einarsdóttir, ljósmóðir.
Hæhæ, má ég fara í flestar ferðalaga bólusetningar á meðgöngu?
Er að fara til Morokko í lok Mars og verð komin 27 vikur og er að velta því fyrir mér hvort ég megi fara í þessa 4 daga ferð.Góðan dag og takk fyrir fyrirspurnina,
Ég myndi vilja ráðleggja þér að hafa samband við hjúkrunarfræðinga á heilsugæslunni þinni til að fá bólusetningaráðgjöf. Hjúkrunarfræðingur fer þó yfir bólusetningar með þér og ráðleggur þér um framhaldið. Þá væri einnig gagnlegt að ræða við þína ljósmóður í meðgönguvernd um það hvort ferðalagið væri ráðlagt. Þarf þá meðal annars að huga að því hvort áhættuþættir séu til staðar á meðgöngunni sem gera ferðalagið áhættusamt.
Bestu kveðjur, Ilmur Björg Einarsdóttir, ljósmóðir.
Má drekka Collab með koffíni, auðvitað í lágmarki
Góðan dag og takk fyrir fyrirspurnina,
Þar sem koffín ferðast yfir fylgju til fósturs er öruggast að sleppa koffínintöku á meðgöngu. Drekki einstaklingur koffín á meðgöngu er ráðlagt er að drekka ekki meira en það sem svarar einum til tveimur bollum af kaffi á dag, en það eru um 100-200 mg af koffíni.
Mismunandi er milli orkudrykkja hvaða innihaldsefni eru til staðar og því einhverjir drykkir taldir "skárri" en aðrir. Skortur er á langtímarannsóknum á neyslu orkudrykkja á meðgöngu og því ekki hægt að mæla með neyslu þeirra.
Bestu kveðjur, Ilmur Björg Einarsdóttir, ljósmóðir.
Er í lagi að drekka Happy hydrate eða Energy express frá Happy á meðgöngu?
Góðan dag og takk fyrir fyrirspurnina,
Happy hydrate er í lagi að drekka á meðgöngu í hófi. Drykkir sem innihalda sykur/sölt geta verið ráðlagðir ákveðnum aðilum á meðgöngu. Fyrir aðra eru þeir óþarfi. Endilega spjallaðu við þína ljósmóður í meðgönguvernd til að fá frekari upplýsingar.
Energy express inniheldur töluvert koffín og því betra sleppa inntöku þess.
Bestu kveðjur, Ilmur Björg Einarsdóttir, ljósmóðir.
Það hefur alltaf verið humar í forrétt á aðfangadag og mig langar að vita hvort það sé í lagi að borða humar á meðgöngu. Hann er alltaf eldaður í ofni en það hefur komið fyrir að hann sé á mörkunum að vera nógu eldaður. Er nóg að passa að hann sé alveg eldaður í gegn eða þarf ég að forðast hann alveg?
Góðan dag og takk fyrir fyrirspurnina,
Það er í góðu lagi að borða eldaðan humar á meðgöngu. Hér má nálgast frekari upplýsingar um mataræði á meðgöngu.
Bestu kveðjur, Ilmur Björg Einarsdóttir, ljósmóðir.
Má borða taðreyktan silung?
Góðan dag og takk fyrir fyrirspurnina,
Almennt er talað um heitreyktan og kaldreyktan mat. Heitreyktur matur eldast um leið og hann fær í sig reyk en kaldreyktur helst hrár. Neysla á kaldreyktu kjöti er ekki ráðlögð á meðgöngu nema ef eldun á sér stað eftir reykingu. Almennt er er taðreyking kaldreyking og því ekki ráðlagt á meðgöngu.
Bestu kveðjur, Ilmur Björg Einarsdóttir, ljósmóðir.
Senda inn fyrirspurn
Sendu okkur fyrirspurn og við svörum fljótlega*
*Ljósmóðir mun leitast við að svara fyrirspurnum sem fyrst en það getur þó liðið allt að tvær vikur þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
