Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
Ég var að komast af því að ég er ólett af minu fysta barni :) Má borða koldu sósurnar sem við kaupum i bónus e finnsson koktelsosu , hvítlauks ? er i lagi að borða skinku a brauð og pepperoni t.d a pizzu er i lagi að borða með skinku og pepperoni ?
Sæl og til hamingju með þungunina.
Mæli með því að þú kíkir á bæklinginn Mataræði á meðgöngu til þess að fá betri upplýsingar um það sem ráðlaggt er að borða.
Kaldar sósur og verksmiðjuframleiddir ísar er langflest búið til úr gerilsneiddum eggjum og ætti því að vera í lagi að borða.
Skinka er elduð og því í lagi að borða hana.
Flest sem sett er á pítsu og síðan inn í ofn eldast þar svo það þarf ekki að hafa áhyggjur af pítsuáleggi nema það sé sett á eftir á.
Gangi þér vel.
Kær kveðja, Jóhanna María Friðriksdóttir, ljósmóðir
Góðan daginn Ég er komin tæpar 22 vikur með fyrsta barn. Fylgjan er að framan og segir ljósan mín að það sé ástæða þess að ég finni ekki hreyfingar á fóstrinu. Nú er ég orðin óþreyjufull að finna hreyfingar svo ég viti að sé í góðu. Hvenær þarf ég að hafa áhyggjur varðandi að finna ekki hreyfingar? Á ég að gefa þessu 1-2 vikur í viðbót?
Sæl
Það er rétt að konur byrja oft seint að finna hreyfingar ef fylgjan er að framan. Þú ættir alveg að geta beðið róleg í 1-2 vikur í viðbót.
Ef þú hefur miklar áhyggjur ráðlegg ég þér að hringja í ljósmóðurina þína og sjá hvort þú getir komið í auka skoðun að láta hlusta hjartsláttinn.
Góðan daginn, ég hætti á Nuvaring þann 8. júlí sl. þar sem við ætlum að reyna að eignast annað barn, ég er búin að nota hann í rúmt ár. Ég tók hirnginn út átta dögum eftir að ég setti hann inn, s.s. ég kláraði ekki 21 dag líkt og maður á að gera. Ég var á blæðingum 24-27. júní, setti nýjan hring inn 1. júli en tók hann út 8. júlí og fór þá aftur á blæðingar 13.-16. júlí. Mín spurning er, hvorar blæðingar miða ég við upp á egglos að gera? Ef ég fer eftir blæðingunum síðan í júní þá hefði ég átt að byrja á blæðingum 21. júlí en ef ég fer eftir blæðingunum 13. júlí þá eiga næstu blæðingar ekki að hefjast fyrr en 10. ágúst. Ég er ekki byrjuð á blæðingum en er búin að vera með túrverki síðustu viku ca. Ætti ég að taka þungunarpróf eða hinkra til 10. ágúst?
Oft er ágætt að bíða einn tíðarhring eftir að getnaðarvörnum er hætt til þess að átta sig betur á því hvenær egglos er.
Annars ættiru að miða við blæðingar eftir að þú tókst hringinn út. Gott að bíða með að taka þungunarprof þar til komið er að því að blæðingar ættu að hefjast aftur., getur verið falskt neikvætt fyrir þann tíma.
Gangi þér vel
Kær kveðja, Jóhanna María Friðriksdóttir
Góðan dag. Núna eru liðnar rúmar 8 vikur síðan ég átti barnið mitt og úthreinsunin er enn í gangi. Hún er vissulega ekki eins kröftug og hún var strax eftir fæðingu en samt sem áður er hún töluverð og alveg þannig að ég þarf að skipta um bindi oft á dag. Stundum er hún brún og stundum er hún rauðbleik. Mér finnst alltaf eins og ég hafi heyrt að úthreinsun taki ca 6 vikur. Er þetta eitthvað óeðlilegt hjá mér?
Úthreinsun tekur yfirleitt 4-6 vikur og ætti í lokin að vera orðin gulleitt útferð.
Ég ráðlegg þér að láta skoða þetta nánar ef þetta breytist ekki fljótlega. Fínt að bóka tíma hjá kvennsjúkdómalækni og sjá hvort allt líti ekki vel út.
Núna erum við búin að vera reyna eignast annað barn. Fyrsti dagur blæðinga er 24 júní, ég tók próf í gær 25 júlí (seint i gær) og það kom mjög óljós lína, maður sér mótað fyrir henni. Svo eg tek annað núna í morgun og það kom strax auka lína, svo eftir c.a 10 min þá er aukalínan ekki jafn sterk og hun var þegar eg pissaði, heldur sér maður rétt svo hana mótast. Er þungunaprófið einhvað lélegt? Á eg að taka annað á morgun?
Til hamingju með þungunina.
Ef það kemur lína á þungunarprófi þá er hægt að treysta á það að hún sé rétt, þó svo að hún sé ljós. Það er ágætt að miða við þann tíma sem stendur á þungunarprófinu hvenær er best að kíkja á niðurstöður. Ef það er sjáanleg lína þá ertu þunguð.
Hæhæ Eg er komin 9 vikur og 1 dag og ég er algjörlega að farast í mjóbakinu, hef aldrei upplifað eins mikin sársauka og núna er þetta búið að vera svona í 3 daga. Fór til læknis og það var skrifað uppa ibufen fyrir mig. En þetta er einhvað annað mikill verkur, er þetta allveg eðlilegt? Svo voru brjóstin allveg virkilega aum fyrstu 7 vikurnar og ekki núna, er eiginlega einkennalaus fyrir utan bakið
Það er erfitt að segja nákvæmlega hvort þetta sé eðlilegt eða ekki. Verkir í mjóbaki er þekktur kvilli á meðgöngu en alltaf gott að útiloka að eitthvað annað sé að, sérstaklega ef verkurinn er svona mikill.
Ekki er ráðlagt að taka íbúfen á meðgöngu og sérstaklega ekki á fyrsta og síðasta þriðjungi meðgöngunar. Ég ráðlegg þér því að hætta að taka íbúfen. Oft getur hjálpað að nota kaldan bakstur á grindarverki.
Mæli með því að þú heyrir í ljósmoðir í mæðravernd og hún getur bent þér á frekari aðstoð.
Þú getur lesið þér til um grindarverki hér.